ஜுலை.28  அர்ஜென்டினா அணியின் பயிற்சியாளர் பதவியில் இருந்து மரடோ னா நீக்கப்பட்டுள்ளார்.

உலக கோப்பை கால்இறுதி ஆட்டத்தில் ஜெர்மனியிடம் 4-0 என்ற கோல் கணக்கில் அர்ஜென்டினா தோல்வி கண்டது. இதனால் மரடேனோ தொடர்ந்து பயிற்சியாளர் பதவியில் நீடிப்பாரா? என்ற குழப்பம் நிலவி வந்த நிலையில், அவரது ஒப்பந்தத்தை அர்ஜென்டினா கால்பந்து சங்கம் முடிவுக்கு கொண்டு வந்துள்ளது.
 
கடந்த திங்களன்று மாலை அர்ஜென்டினா கால்பந்து சங்கத் தலைவர் ஹம்பர்டோ கிராடனோவை மரடோ னா சந்தித்தார். அப்போது அணியின் துணை பயிற்சியாளர் ஆஸ்கர் ரக்கெரி உள்பட சிலரை மாற்ற வேண்டும் என்று அவர் நிர்பந்தித்தாக தெரிகிறது. மரடேனாவோ தனது உதவியாளர்கள் மீது கைவைக்கும் பட்சத்தில் பதவி விலகும் முடிவில் உறுதியாக இருந்தார்.

இதையடுத்து மரடோ னாவை பயிற்சியாளர் பதவியில் இருந்து அர்ஜென்டினா கால்பந்து சங்கம் நீக்கியது. வருகிற ஆகஸ்ட் 11ஆம் தேதி டப்லின் நகரில் ஒரு நட்பு ஆட்டத்தில் அயர்லாந்துடன் அர்ஜென்டினா மோதுகிறது. பயிற்சியாளர், உதவி பயிற்சியாளர்கள் யாரும் இல்லாமலேயே அர்ஜென்டினா இந்த போட்டியில் களம் இறங்குகிறது.